25

Nov 24, 2009

шалтгаангүй бид энд ирдэг... бас л ямар нэг шалтгаангүйгээр бид эндээс явдаг... за тэгээд ямартай ч шалтгаангүй амьдраад 25 жилийг үдлээ... надаас яг нэг жилийн хойно төрсөн Виндовс үйлдлийн системийн хөгжлийн прогресстэй харьцуулхад дэндүү ичмээр... харин хажуу орцны балдангийн бандитай харьцуулхын бол урагштай гэчихэж болмоор мэтээр аль ч талаас нь харж өөр өөрөөр дүгнэж болхоор 25 жил... нэг зууны дөрөвний нэг өнгөрчээ... Ингэхэд Монголчуудад л зөвхөн хий нас гэж байдаг уу? эсвэл манай азиудын хувьд хий нас гэж байдаг юм уу? ямартай ч хий нас гэдэг бол ихээхэн оюун санаалаг ойлголт бололтой... эхийн хэвлэд олдсон цагаас нь эхэлж хүнийг хүн болсон гэж үзнэ гэдэг бараг л философийн нэг ойлголт шахуу юм гэгэгэ... харин одоогийн энэ төрсөнөөс нь эхэлж тооцдог нас бол нэлээн материаллаг тал руугаа буюу хүүхэд энэ орчлон дээр ирж бодит хүн болсон цагаас нь эхлэн тооцдог систем юм даа гэж бодож амжлаа энэ хугацаанд... за энэ ч яхав... энэ хүртэл би гэдэг хүнд гарсан дэвшилүүд юу байв гээд нэг бодоод үзэе...

Бодит талаас нь талаас нь харж үзвэл ямартай ч дунд болон дээд боловсролын гэрчилгээ гэх мэтхэнд хүрээд зогсоно... энэ мэт нь энэ нийгмийн үнэлэмжинд нийцэд амьдархад минь туслана... 5 жил татвар төлж энэ төлсөн мөнгө хэн нэгэний тэтгэвэрийн мөнгө болж хүрч чадсан уу? эсвэл өөр нэгний халаас руу урссан уу? би мэдэхгүй... миний нийгэмд оруулсан хувь нэмэр үүнээс хэтрэхгүй... том механизмийн эрэг боолт болж эргэсэн хэдэн жилээ хаслаа...
Харин оюун санаалаг байдлаас авч үзвэл хэний ч хэлсэн билээ дээ философи надад хувь заяаны ямар ч цохилтыг хүлээн авах чадварыг өгсөн гэдэг шиг амьдралын янз бүрийн нөхцөл байдалд өөрийнхөө хувьд зөв шийдвэр гаргаж чадах хэмжээнд бага ч болов хүрсэн болов уу? гэж найдах... гэр бүл дотны хүмүүсийнхээ өмнө бага ч болов хүн шиг хүн байх гэж хичээсэн гэхдээ чадсан эсхээ мэдэхгүй... хэд хэдэн удаа эсрэг хүйстэндээ дурлаж байсан гэхдээ одоог болтол гэр бүл болоогүй гэх мэтээр үргэлжлэнэ...

ингээд хархаар нэг их учир утга өгөөд байхаар том зүйл ч биш юм шиг...

төрсөн өдрөөр авсан бэлэгнүүдээс хамгийн том нь ажилын лэп топны хард шатсан явдал байлаа... нэг жилийн хөдөлмөр ингэсэн аягүй том юм шиг сонсогдоод байна гэхдээ л наддаа л хөөрхөн үнэтэй зүйлс маань зүгээр л хийсчихлээ... нэшионэль жеограффийн хэдэн жилийн өмнөх нэг дугаар дээр нийтлэгдсэн шилдэг зургаар шинэ эхлэл нэртэй галт уулын царцсан лаван дээр ногоо ургаж буй зураг орсон байсан шиг л байна даа... шинэ эхлэлээ гэж...

амьдралын өмнө ахиад сонголтууд гарч ирж тэр бүхэнд ямар шийдвэр гаргах талаар эргэлзэж тээнэгэлзсээр л... жижигхэн л зүйлс өөрчлөгдсөн бол одооныхоосоо шаал өөрөөр амьдрах байсан гээд бодхоор хачин аймаар ч юм шиг эсвэл баярхламаар ч юм шиг хачин мэдрэмж гэгэгэ... үүнээс хамгийн суралцууштай нь ирээдүйд ч гэсэн чи жижигхэн зүйлийг өөрөөр хийхэд л чиний ирээдүй бас нэг өөрөөр зурагдах боломжтой гэсэн гаргалгаа... Эрвээхэйн нөлөөлөл шиг... аа энэ эрвэээхэйн нөлөөлөл гэдэг чинь нээрээ их том онол юм байна лээ шүү...

10 comments:

besu said...

Шалтгаан: Ямар нэгэн юмыг шалтгаантай хийсний улбаагаар тэнд бичсэнээр бол амилсан точиго. Харин үхэхэд бас шалтгаан байдгиймшиг үхэх цаг нь болоод(хөгшрөөд, өвчилөөд, алуулаад) эсвэл бурхан дуудаад... Сонголтын хувьд бол тэрийг алийг нь ч сонгосон бай харамсах юмгүй бүгд зөв гэж бодвол...

Эвоксилл said...

hard evdreh ch hog iin shuu hamag tatsan hiisen yum bhgvi bolchihoor

UA said...

za yamar ch bsan mend shuu.. bas l huurhun hugshirch bgaam bna.. tursun udur bolohoor neg iimerhu eldew yanziin yum ch bodogdood bdiin shuu..

Chariote said...

erveehein effect gdg chin yamar onol bn ?

Anonymous said...

hereglegch
hyatduud bas hii nas tooldog shdee. xiusui mgloor bol hiimel hooson nas gedeg ug bdgiin.

Anonymous said...

erveehein effect gdg chin nuguu kino toi holbotoi yumuu yamarvaa neg yum togs shan gej bhgvi zaaval negzovolon bdag?

Улаан said...
This comment has been removed by the author.
Anonymous said...

butterfly effect
erweehein nuudel bolhod dalavchnii develt n ergeed mash huchtei salhinii ergeltiig\ursgaliig? vvsgej bdg gdg biluude? neg muu ochuuheen erweehiin dalavchnii dewelt ter huchtei salhinii ursgaliig bii bolgono geheer...

sirus said...

za da er ni anonymous onod helchij

gesnees hereglegch gene uu? huuchinii tanil maani mun uu?

Stranger said...

за битий гуцаад бай :P

Post a Comment